විදු නැන නුවණ – Science Literacy for All

අපි වනාහි අප ආහාරයට ගන්නා දෙයින් සැදුම් ලද්දෝ වෙමු

ජීවීන්ගේ ජානවල අනුක‍්‍රමයන්(DNA sequences) කෙරෙහි එම ජීවින්ගේ ආහාර බලපෑ හැකි බව ඔක්ස්ෆර්ඞ් සරසවියේ පර්යේෂකයෝ පෙන්වා දෙති. පරපෝෂිතයන් කන්ඩායම් දෙකකට අදාළව සිදු කෙරුණු අධ්‍යයනයකදී පර්යේෂක කණ්ඩායමට සොයා ගත හැකි වුයේ DNA අනුක‍්‍රමයන්ගේ වෙනස්කම්වලට හේතුව එම පරපෝෂිතයන්ගේ ආහාරවල සංයුතිය වෙත පැවරිය හැකි බවය. Genome Biology නම් සඟරාවෙහි මේ අධ්‍යයනයේ ප‍්‍රතිඵල පළ කර ඇත.

අධ්‍යයනයේ සමකර්තෘ ඔක්ෆර්ඞ් සරසවියේ ශාක විද්‍යා දෙපාර්තමේන්තුවේ ආචාර්ය ස්ටීවන් කෙලී මෙලෙස පවසයි. “ජීවීන් සිය DNA ගොඩ නගන්නේ ඔවුන් සිය  ආහාරයෙන් ලබාගන්නා තැනුම් ඒකකවලිනි. අපේ උප කල්පනය (උපන්‍යාසය) වන්නේ මේ ආහාරයෙහි සංයුතිය ජීවීන්ගේ DNA වෙනස් කිරීමට හැකියාව ඇති බවයි. උදාහරණයක් ලෙස ශාක භක්ෂක පැන්ඩා වලසෙකු මාංශ භක්ෂක ධ‍්‍රැව වලහෙකුට(polar bear) පුරෝකථනය කළ හැකි (වඩා කලින් කිව හැකි) ජානමය වෙනස්කම් තිබිය හැකිද?”

“මේ උපන්‍යාසය පරීක්ෂාවට ලක්කිරීමේ දී අපි මොඩල පද්ධතියක් ලෙස භාවිත කිරීම පිනිස සරල පරපෝෂිතයන් කණ්ඩායමක් තෝරා ගත්තා. මේ පරපෝෂිතයන් පොදු පූර්වජයෙකුගෙන් පැවත ආවත් එකිනෙකට වෙනස් විවිධ ධාරකයන් ආසාදනය කිරීමට පරිණාමය වෙලා ඇති අතර එකිනෙකට වෙනස් ආහාර අනුභව කරනවා”

dna2-1

මෙම අධ්‍යයනයට විවිධ ශාක හෝ සත්ව  ධාරකයන් ආසාදනය කරන පරපෝෂිතයන්  සහ බැක්ටීරියාමය පරපෝෂිත කණ්ඩායම් සම්බන්ධ කර ගැනුණුඅතර  අධ්‍යනයේ ප‍්‍රතිඵල, මෙම පර්යේෂකයන් විසින් වැඩිදියුණු කරන ලද නව්‍ය ගණිතමය මොඩල මත පදනම් විණ. එම ප‍්‍රතිඵල, කලින් වසන්ව තිබූ සෛලීය පරීවෘත්තීය(cellular metabolism) සහ පරිණාමය අතර සම්බන්ධතාවය හෙළි කිරීමට සමත්විය. විවිධ ආහාරවලට අනුගතවීම අනුක‍්‍රමණයන් වෙත බලපාන අන්දම ගැන එම ප‍්‍රතිඵල නව ප්‍රතිවේදයක් සපයයි. එපමණක් ද නොව, අදාළ ජීවීන්ගේ DNA අනුක‍්‍රමණයේ විශ්ලේෂණයෙන් එම ජීවීන්ගේ ආහාරයන් මොනවාදැයි පුරෝකතනය කිරීමට හැකි බවද පර්ය්ෂකයන්ට පෙනී ගියේය.

‘ඉතා සමීපව සම්බන්ධ ජීවීන් ඔවුන්ගේ ජානමය සැකසුම(genetic makeup) අතින් මෙතරම් වෙනස් වන්නේ මන්ද යන්න පැහැදිලි වුණේ නැහැ. ඒත්, ජීව විද්‍යාවේ පරිවෘත්තීය හා ප‍්‍රවේණි විද්‍යාව යන මූලික අංග එකට එක්කර සැලකීමෙන් අපට මේ ක්ෂේත‍්‍රය ගැන අපේ අවබෝධය ඉදිරියට ගෙන යාමට හැකිවුණා’ යයි අධ්‍යයනයේ සම කර්තෘ එමිලි සිවර්ඞ් පවසයි. “මේක විසඳුම් සෙවීම අපහසු ප‍්‍රශ්නයක්. මන්ද කීවොත් ජීවියෙකුගේ DNA අනුක‍්‍රමණය කෙරෙහි බලපෑම් ඇති කළ හැකි සාධක අපමණ තිබෙන නිසායි. ඒත් අපේ අධ්‍යයනය මෙකී වෙනස්කම්වල ඉහළ ප‍්‍රතිශතයක් පැහැදිලි කිරීමට සමත්. එමෙන්ම ‘අපි වනාහි අප ආහාරයට ගන්නා දෙයින් සැදුම් ලද්දෝ වෙමු’ යන්න සනාථ කිරීමට සාක්ෂිත් සපයනවා” ඈ වැඩිදුරටත් සඳහන් කරයි.

youarewhatyoueat

“අප දැන් වෙහෙසෙන්නේ මෙයට වෙනත් වඩා සංකීර්ණ ජිවීන් සම්බන්ධයෙන් ද මේ කාරනාව සත්‍යය දැයි සොයා ගැනීම පිණිසයි” අධ්‍යයන වාර්තාව Genome Biology සඟරාවේ පළ වුයේ ‘ආහාරමය නයිට‍්‍රජන් පරපෝෂි ක්ෂුද්‍රජීවීන්ගේ කෝඩොන් නැඹුරුව සහ ජෙනෝම සංයුතිය වෙනස් කරයි’ (Dietary nitrogen alters codon bias and genome composition in parasitic microorganisms)  යනුවෙනි.

 

Oxford University, Research Science හී Scientists uncover genetic evidence that ‘we are what we eat’ යන ලිපිය ඇසුරෙනි

 

 

 

 

 

 

 

 

 

 

 

 

 

 

 

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

Basic HTML is allowed. Your email address will not be published.

Subscribe to this comment feed via RSS

%d bloggers like this: